Bu gün İsrail və Həmas Qəzza münaqişəsinə son
qoyulması istiqamətində beynəxalq cəhdləri rədd edəndən sonra döyüşləri davam
etdiriblər. İsrail təyyarələri və tankları Qəzzanı atəşə tutan zaman Həmas
yaraqlıları İsrail ərazisinə raket atıblar. İsrailin 40-dan çox hava hücumu
nəticəsində Həmasın 15 döyüşçüsü həlak olub.Ordu deyir ki, quru qüvvələr də
Qəzza zolağında fələstinli yaraqlılarla toqquşub. Fələstinli səhiyyə
işçilərinin sözlərinə görə, tankların hücumu zamanı Qəzzanın
şimalında ən azı 8 nəfər həlak olub. İsrail qırıcı təyyarələri bu gün habelə
Qəzza sakinlərinə xəbərdarlıq vərəqələri yayıb. Xəbərdarlıqda hücmların
intensivləşəcəyi bildirilir. Bununla yanaşı, Həmas bu gün İsrail cənub Aşkelon şəhərinə
raket hücumu edib. 3 nəfər xəsarət alıb. Qahirədə isə Fələstinlilərin
prezidenti Mahmud Abbas Misirin təklif etdiyi atəşkəs razılığı barədə Misir
prezidenti Hüsnü Mübarəklə danışıqlar aparıb. Cənab Abbas bunu qan axıdılmasını
dayandırmağın yeganə yolu adlandıraraq ölçülərin qəbul olunmasına çağırıb.