Afrika Birliyi liderləri bu gün yarım illik sammitə
Avropa Birliyinə oxşar pan-Afrika ölkələrinin yaradılması barədə müzakirələrlə
başlayıblar. Bu planı illərdir təklif edən Liviya lideri Müəmmar Qəzzafi deyir ki, bu, Afrikaya Qərbin iştirakı
olmadan iqtisadi və siyasi problemlərini həll etməyə kömək edəcək. Sammit
iştirakçılar bu gün fikirə ümumi dəstəklərini izhar ediblər ancaq Afrikanın
zəngin ölkələrinin çoxu təklifə soyuq yanaşır. Əddis-Əbabədə keçirilən
sammit rəsmi olaraq Afrika infrastrukturlarının inkişafına həsr olunsa da,
indiyədək qitənin böhranlarının həlli yollarının axtarılması ilə yadda qalıb.
Dünən Afrika Birliyi Komissiyasının rəhbəri Cin Pinq Madaqasqarda sakitliyə
çağırıb. Bu ölkədə müxalifət lideri deyir ki, o, hakimiyyəti ələ keçirib. Pinq
isə birliyin heç bir qeyri-konstitusional hakimiyyəti tanımayacağını deyir.