ABŞ
Dövlət Katibi Hillari Klintonun rəhbərlik etdiyi qurum 2008-ci ildə dünya boyu
insan hüquqlarının vəziyyətinə dair illik hesabatını açıqlayıb. Sənəddə ötən il ərzində azadlığa olan
təlabatın genişləndiyi, eyni zamanda hökumətlərin məhdudlaşdırıcı vasitələrə əl
atdığı vurğulanır. Departament bildirir
ki, insan hüquqları ilə bağlı durumun keyfiyyəti cəmiyyətdə azad və ədalətli
seçkilərin keçirilməsi, qanunun aliliyi və ölkədə demokratik təssisatlarının
mövcudluğundan asılıdır. Hesabatın xüsusi
olaraq qeyd edilən Azərbaycana dair hissəsində İlham Əliyevin beynəlxalq
standardlara uyğun gəlməyən seçkilərdə qalib gəldiyi göstərilir. Sənəddə siyasi pariyalara və media qurumlarına
tətbiq edilən qadağalar vurğulanır.
2007-ci ildəki 11 insidentlə müqayisədə ötən il Azərbaycanda
jurnalistlərə qarşı 22 şifahi və fiziki hücumlar qeydə alınıb. Azərbaycan hökumətinin Azadlıq Radiosu,
Amerikanın Səsi və BBC-nin yayımlarını yerli dalğalarda qadağan edilməsi ölkə
ictimaiyyətini qərəzsiz media orqanlarına çıxışdan məhrum edib.