Birləşmiş Ştatların hesabatında bildirilir ki, ötən il əfqan təhlükəsizlik qüvvələrinə qarşı hücumlar üç qat artıb.
Dünən açıqlanan sənədə görə, əfqan polisinə qarşı hücumların sayı 97-dən 289-a artıb. Hesabatda hər ay əfqan polisinin verdiyi itkinin 56 nəfər təşkil etdiyi bildirilir.
Bu səhər Əfqanıstanın cənubi Helmənd vilayətində bomba partlayışı nəticəsində 3 adam ölüb, azı 5 nəfər isə yaralanıb.
Rəsmilər partlayışın Nad Əli şəhərində baş verdiyini bildirilər.
Əfqanıstanın xaş-xaş istehsal olunan vilayəti Helmənddə ABŞ və NATO qüvvələri Talibana qarşı mübarizə aparırlar.