ABŞ prezidenti Barak Obama Böyük 20-liyin bu həftə keçiriləcək sammitində iştirak etmək üçün Londona yola düşüb.
Cənab Obama sammit ərəfəsində dünyanın ən iri iqtisadi ölkələrini birliyə çağırıb.
Özünün 10 həftəlik prezidentliyi dövründə ilk Avropa səfərini həyata keçirən Barak Obama bu səhər Vaşinqton yaxınlığındakı hərbi hava bazasından Londona yola düşüb.
Fransa prezidenti Nikola Sarkozi dünən deyib ki, Böyük 20-liyin sammiti saxta nailiyyətdən başqa bir şey gətirməyəcək.
Britaniyanın baş naziri Gordon Braun isə deyib ki, dərin fikir ayrılıqlarına baxmayaraq, dünya liderləri bir ayara gəlib, dünya miqyaslı problemlə kollektiv mübarizəyə qoşulacaqlar.