ABŞ
prezidenti Barak Obamanın sözlərinə görə, Vaşinqton Cənubi Koreya ilə azad
ticarət razılaşmasının əldə edilməsində irəliləyiş olmasını istəyir. Böyük
İyirmilik sammiti çərçivəsində Cənubi Koreya prezidenti Li Myunq-Bakla görüşü
zamanı cənab Obama sazişin əldə olunması üçün mövcud çətinlikləri başa
düşdüyünü dilə gətirib. Ancaq o bildirib ki, tərəflər razılaşmada inkişafa nail
olmaq üçün müzakirələri davam etdirməlidir. ABŞ rəsmilərinin sözlərinə görə,
razılaşmanın proqresi barədə heç bir vaxt müəyyən edilməyib. Əldə olunan
konsensus ilə sazişin təsdiqi uzun vaxt ala bilər. ABŞ və Cənubi Koreya azad
ticarət razılaşmasını 2007-ci ildə imzalayıb. Ancaq sənəd heç bir ölkənin
parlamenti tərəfindən təsdiq edilməyib.