Pakistanın şimal-qərbində rəsmilər deyir ki, paytaxtın
100 kilometrliyinədək irəliləyən bütün Taliban döyüşçüləri yenidən
sığınacaqları olan Svat Vadisinə geri dönüblər. Yerli idarəçi Seyid Məhəmməd Cavidin
sözlərinə görə, Taliban yaraqlıları bu gün Buner rayonunu tərk ediblər və
ərazidə hökumət qüvvələri yerləşdirilib. Taliban sözçüsü Muslüm Xan dünən “Amerikanın
Səsi”nə bildirib ki, Taliban yaraqlıları regionun bu hissəsində Şəriətə əsasən
tətbiq olunan son sülhü təhlükə altına almamaq üçün Buneri tərk etmək qərarına
gəlib.