Əfqan rəsmiləri bildirirlər ki, Zabul vilayətində
yol kənarında yerləşdirilmiş bomba partlayışı nəticəsində 12 mülki vətəndaş həlak olub. Taliban
yaraqlılarının Zabul vilayətinin digər
bölgəsində təhlükəsizlik qüvvələrinə
hücumları nəticəsində isə 6 əsgər həlak olub. Rəsmilər həmçinin bildirirlər ki,
bu gün səhər intiharçı hücumu nəticəsində Lagham vilayətinin meri, onun 3 cangüdəni və 3 mülki vətəndaş həlak
olub. Bu arada prezident Həmid Karzay vəzifəsinə yenidən seçilmək üçün rəsmən öz namizədliyini qeydiyyatdan
keçirib. Taliban yaraqlılarının
fəallaşması və hökumətdə korrupsiyanın geniş yayılması cənab Karzayın daxildə və
xaricdə nüfuzuna mənfi təsir göstərib. Buna baxmayaraq ona ciddi rəqib hələlik
yoxdur.