Bu gün
Amnesti İnternational təşkilatı dünyada İnsan haqlarının vəziyyətinə dair
hesabat açıqlayıb. Hesabatın İranla bağlı hissəsində deyilir ki, bu ölkədə
yaşayan azərbaycanlı fəallar məktəb və universitetlərdə azərbaycan dilinin
tədris olunması çağırışlarını davam etdirirlər. Hesabata əsasən fevral ayında
Beynəlxalq Ana Dili günündə keçirilən nümayişlərlə bağlı onlarla fəal həbs
edilib. “Milli Təhlükəsizliyə hədə yaratmaq” ittihamı ilə nəzarət altına alının
4 fəal təcridxanada saxlanılıb. Ərdəbil Məhkəməsi Əsgər Əkbərzadəni qeyri-qanuni
siyasi partiya yaratmaqda, pan-türkist sənədlər hazırlamaqda və azərbaycan
mədəniyyəti ilə bağlı toplaşmada iştirakda ittiham edərək 5 il azadlıqdan
məhrum edib.