Gürcüstan Rusiyanın BMT-nin Abxaziyada
beynəlxalq sülh müşahidəçilərinin mandatının uzadılmasına dair qətnaməsinə veto
qoyması qərarını tənqid edib. BMT-nin mandatının müddəti bu gün başa çatıb.
Gürcüstanın xarici işlər naziri Qriqol Vaşadze
Moskavanın bu qərarının ilə Abxaziya və Cənubi Osetiyada həyata
keçirilən etnik təmizləmələrə şahid olmaması mahiyyəti daşıdığını deyib.
Rusiya
öz veto hüququndan dünən axşam istifadə edib. BMT-nin Təhlükəsizlik Şurasının
qətnaməsində beynəlxalq müşahidəşi missiyasının daha iki həftə uzadılması
nəzərdə tutulurdu. 150 nəfərdən ibarət müşahidəçi komandası Gürcüstan-Abxaziya sərhədləri
və Kodori vadisində missiyalarını davam
etdirməli idi. Rusiyanın BMT-dəki səfiri
Vitali Curkin qətnaməyə dəstək verilməməsinə görə təəssüfünü bildirsə də, Rusiyanın
alternativ təkliflə çıxış etdiyini, lakin bunun üzv ölkələr tərəfindən rədd
edildiyini deyib. BMT-nin baş katibi Pan Gi Munun bəyanatında bildirilir ki,
missiyanın fəaliyyətləri bu gündən etibarən qurumun Gürcüstandakı xüsusi
nümayəndəsinə həvalə edilə bilər.