ABŞ
prezidenti Barak Obama deyir ki, mərhum senator Edvard Kennedi zəmanənin ən
böyük ABŞ senatoru olub. Ağ Evin
açıqladığı bəyanatda cənab Obama həyat
yoldaşı Mişel və özünün Kennedinin ölümündən dərin kədərləndiyini
bildirib. Prezident deyir ki, senatda
xidmət etdiyi zaman o, qocaman siyasətçinin məsləhətlərindən bəhrələnib. Obama həmçinin 2008-ci il
prezident seçkiləri kampaniyası zamanı Kennedinin ona verdiyi mühüm dəstəyə
görə minnətdar olduğunu söyləyib. Barak
Obama hazırda ailəsi ilə birgə Martha’s Vineyard adlanan kurortda istirahət
edir. Bu ada Kennedinin evinin
yerləşdiyi Hyannis Port yaxınlığındadır.