Hondurasda
müvəqqəti hökumət bütün ölkə boyu komendant saatının müddətini uzadıb. Buna səbəb devrilmiş prezident Manuel Zelayanın
qəfildən ölkəyə qayıtmasıdır. Cənab
Zelaya dünən Honduras paytaxtı Tequçiqalpada Braziliya səfirliyinin eyvanına
çıxaraq keçid hökuməti üzvlərini təəccübləndirdi. Zelayanın minlərlə tərəfdarı komendant
saatına məhəl qoymayaraq səfirliyin qarşısında toplaşıblar. Televiziya ilə müsahibəsində Zelaya hərbi
yoxlama postlarından necə keçdiyini və kəndlər vasitəsilə səyahət etdiyini nəql
edib. O, hazırda müvəqqəti prezidenti
Robert Miçeletti ilə dialoqa daxil olmaq istədiyini bildirib. Eyni zamanda Manuel Zelaya tərəfdarlarını
Tequçiqalpaya toplaşaraq dinc nümayişlər keçirməyə çağırıb.