İran, Rusiya, Fransa, ABŞ və Beynəlxalq Atom
Enerjisi Agentliyi İranın mübahisəli nüvə proqramına dair danışıqları
sabah bərpa edir. Vyana görüşündə müzakirə
mövzusu İran uranının reaktor yanacağına
çevrilməsi üçün Rusiya və Fransaya
göndərilməsi məsələsi olacaq.
Qərb diplomatları etimada əsaslanan bu
ölçülərlə uranın nüvə silahları üçün istifadə edilə biləcək dərəcədə
zənginləşdirilməsi prosesinə nəzarət etmək istəyir.
Plan İranın 3.5 faiz saflaşdırılmış uranının Rusiya və Fransa tərəfindən 20 faizə artırılmasını nəzərdə tutur.