Türkmənistana
səfər edən İran prezidenti Mahmud Əhmədinejad İrana qaz nəqlini yaxşılaşdıracaq
təbii-qaz boru kəmərinin açılışına qatılmaq üçün bu ölkəyə səfər edib.
Türkmənistan paytaxtı Aşqabada bu gün çatan cənab Əhmədinejad türkmən həmkarı
Qurbanqulu Berdimuhammedovla görüşüb. Hər iki lider sabah yeni boru xəttinin
açılışında iştirak edəcək. Bu kəmər Türkmənistandan İrana nəql olunan qazı iki
dəfədən çox artıraraq, 20 milyard kub metrə çatdıracaq. 30 kilomerlik xətt
Türkmənistanın adətən Rusiya üçün ehtiyat saxladığı yataqdan qazı əldə edəcək.
Keçən il Rusiya Türkmənistandan aldığı qazın həcmini kəskin şəkildə azaldandan
sonra Aşqabad qaz ixracatını şaxələndirməyə çalışır.