Bir neçə ölkədən olan xilasetmə
dəstələri Livanın Aralıq dənizi sahillərində Efiopiya hava yollarına məxsus
təyyarənin qəzası nəticəsində itkin düşənlərin axtarışını davam etdirir.
Avropa, Birləşmiş Ştatlar və BMT xilasetmə dəstələri bütün gecə boyu dünən alov
içərisində dənizə düşən Boeing 737-nin qalıqlarını tapmağa
çalışıb. Əddis Əbabəyə istiqamət alan təyyarədə sərnişin və ekipaj üzvləri ilə
birlikdə 90 nəfər olub. Onların da çoxu əsasən livanlı və efiopiyalıdır. Layner
Beyrutdan havaya qalxandan qısa müddət sonra qəzaya uğrayıb. Livan rəsmiləri
qəza nəticəsində kiminsə sağ qalmasını ehtimal etmir. Rəsmilər deyir ki,
indiyədək qalıqlar arasından 15 cəsəd çıxarılıb.