Accessibility links

Riçard Holbruk: 'ABŞ Talibanla birbaşa danışıqlar aparmır'


ABŞ-ın xüsusi nümayəndəsi deyir ki, Birləşmiş Ştatlar Talibanla birbaşa danışıqlar aparmır, ancaq administrasiya Əfqanıstan hökumətinin yaraqlılarla döyüşləri dayandırmaq səylərini dəstəkləyir. Amerikanın Əfqanıstan və Pakistan üzrə xüsusi elçisi Riçard Holbruk mətbuatın ABŞ-ın Taliban nümayəndələri ilə gizli görüşləri barədə iddialarını təkzib edib. Münih şəhərində açıqlama verən cənab Holbruk deyib ki, Vaşinqton Əfqanıstan hökumətinə döyüşlərə son qoymaq istəyən yaraqlılara əl uzatmaq səylərinə görə təşəkkürünü bildirir. Ancaq onun sözlərinə görə, bu səylərlə yanaşı, döyüş meydanında da hərbi uğur əldə olunmalıdır. Bu arada NATO-nun bildirdiyinə görə, onlar korrupsiya və yolkənarı bomba şəbəkəsi ilə təmas qurma iddiası ilə bir əfqan polis zabitini nəzarət altına alıblar.
XS
SM
MD
LG