<!-- IMAGE -->
İranın ali dini lideri ABŞ dövlət katibi
Hillari Klintonu Körfəz ölkələrinə səfəri zamanı İslam respublikasına qarşı yalanlar
yaymaqda ittiham edib. Ayətulla Əli Xameneyi həmçinin Birləşmiş Ştatları regiondakı
ölkələrdən pul əldə etmək üçün regionu silah anbarına çevirməkdə təqsirləndirib.
Bu açıqlamaları bu gün İran dövlət telekanalı işıqlandırıb. Dünən dövlət katibi
Hillari Klinton regiona səfərini regiona səfərini başa vurub. Səfərin məqsədi
isə Tehranın uranı zənginləşmə proqramına təzyiq göstərmək üçün BMT-nin İrana qarşı
yeni sanksiyalar paketinə dəstək toplamaqdan ibarət idi.