Norveç Tehranda bu yaxınlarda hökimət əleyhinə nümayişlərin dağlımasına etiraz olaraq istefa vermiş İran diplomatına siyasi sığınacaq verib. Norveç rəsmiləri bildiriblər ki, Məhəmməd Reza Heydəri və onun ailəsinin siyasi qaçqın statusu ilə ölkədə qalmasına icazə verilib.
Heydəri Osloda baş konsul vəzifəsindən keçən ay istefa vermişdir. O, İranda dekabr ayında təhlükəsizlik qüvvələri və nümayişçilər arasında səkkiz nəfərin ölümülə nəticələnmiş toqquşmalardan sonra vicdan əzabı çəkdiyini demişdir.
Osloda İran səfirliyinin sözçüsü Assoşieyted Press agentliyinə Heydərinin yalançı və opportunist olduğunu deyib. Heydəri istefasını elan etdikdən sonra həyatına görə qorxduğunu deyərək gizlənirdi.