بوگون کليولند خسته خانه سينين نماينده سی واشنگتون واقتی ساعت 5/2 خبر وردی کی جناب علی يف اورک و کليه چاتيشمامازيليق دان وفات اتميشدی. پرزيدنت علی يف اوگوست آييندان بری بو طبی مرکزينده مداوا اولونوردی. علی يف 30 ايل دن چوخ آذربايجان سياست صحنه سينده اولموشدی. او 1969 [ آذرباِيجانين کمونسيت پارتی سينين رهبری اولموشدی. 1982 ده علی يف سووت حکوتی نين ان عالی ارگان نين يعنی پولت بورويه انتخاب اولدی و 1987 قدر که بعضی اتهام لار سببی ايله بو مقام دان گوتولودی بو مقام دا واريدی. علی يف سونرا دان آذربايجانا قايدره رک اوز قدرتی نی آرتيرماقا چاليشدی و پرزيدنت ايلچی بيک کلکی کندينه قاچان دان سونرا قدرتی اله گچيردی. او 1993 نجو ايلين اکتبر آيندا پرزيدنت سچيلدی و ينه ده 1998 ده پرزيدنت اولدی. مشاهده چی لر بو سچکی لری دوزگون حسابلاماديلار ولکن علی يف اوز حکومتينه ادامه وردی تا بوايل اوگوست آينده اوچونجو دفعه پرزيدنت اولماقدان واز کچدی و اوز اوغلو الهام علی يفی باش ناظر تعين اديب و اونون پرزيدنت اولماسينا يارديم اتدی.
علی يفين حکوتی نده ايکی بويوک ايش باش توتدی: بيری قره باغ محاربه سيندن سونرا ارمنستان ايله آتش بس اولدی و ديگری نچه ميليارد دلارليق آذربايجان نفت مقاوله سی دير کی 11 شرکت دن تشکيل اولونان کونسرسيوم ايله امضالاندی که "مقاوله قرن " آدلاندی. و بونون نتيجه سينده ده 4 ميلياردليق باکی-تفليس- جيهان نفر کمری نين ساختمانی باشلاندی.