Kiprin yunan və türk icmasının rəhbərləri ölkələrinin may ayının 1-də Avropa Birliyinə daxil olana qədər adanın birləşməsi məsələsi barədə aralarındakı münaqişəni həll edəcəklərinə söz veriblər. Bu razılıq Kipr türklərinin lideri Rauf Denktaş və Kipr prezidenti Tassos Papadopoulos arasında BMT-nin Baş Katibi Kofi Annanın vasitəçiliyi ilə üç gün Nyu Yorkda keçirilən danışıqlarda əldə edilib. Cənab Rauf Danktaş və prezident Tassos Papadopoulosun çərşənbə axşamı Nikoziyada görüşəcəkləri və adanın birləşməsi barədə yekün sənədi hazırlayacaqları gözlənilir.