ABŞ və Cənubi Koreya donanmalarının birgə hərbi təlimləri Sarı Dənizdə başa çatmaq üzrədir. Lakin rəsmilər əlavə təlimlərin keçiriləcəyini bildirirlər. Cənubi Koreya Müdafiə Nazirliyinin rəsmiləri bildirirlər ki, nazirlik dekabrdan başlayaraq ABŞ-la bərabər növbəti hərbi təlim keçirməyə hazırlaşır. Cənub qüvvələri həmçinin gələn həftə canlı atəşin müşayiəti ilə artilleriya təlimi keçirəcəklər. Çərşənbə günü başa çatan birgə hərbni təlimlər ABŞ-la Cənubi Koreyanın son aylarda keçirdikləri ən irimiqyaslı təlimlər olub. Manevrlərdə minlərlə dənizçi, 75 təyyarə, USS Corc Vaşinqton da daxil olmaqla, 10 hərbi gəmi iştirak edib.