Birləşmiş Ştatlar Avropada 10-dan çox hərbi bazasını bağlamağı planlaşdırır. Bu addımla Müdafiə Nazirliyi illik 500 miliyon dollar qənaət edəcək.
Londonun şimal-şərqində yerləşən Royal Hava Qüvvələri bazası da daxil olmaqla, Avropada bağlanacaq hərbi bazaların siyahısı cümə axşamı günü açıqlanıb.
Bu, soyuq müharibənin başa çatmasından sonra bazaların bağlanması sayına görə verilmiş ən böyük qərardır.
ABŞ həmçinin Almaniya, Belçika və Hollandiyada gələcək yeddi il ərzində daha 14 bazanın fəaliyyətini dayandıracaq.
Bazalardan çoxu İkinci Dünya Müharibəsindən bu günə qədər fəaliyyətdə olub.
