ABŞ boyu qaradərililərin polis tərəfindən qəddarlığa məruz qalmasına etirazedən çoxsaylı nümayişçi polis tərəfindən saxlanıb.
Nümayişlər şənbədən bazar gününə keçən gecədən başlayıb. Nümayişlər keçirildiyi başlıca şəhərlərdən biri Luiziana ştatının Baton Rouge-dir. Oradakı nümayişlər zamanı polis sahəsində islahat çağırışı ilə etiraz edənlərin əsas aktivistlərindən olan DeRay Makkesson saxlanılıb və polisin onu həbs etməsini canlı yayımlayıb.
Makkesson və başqa nümayişçilər ötən həftə 5 uşaq atası Alton Sterlinin polis tərəfindən öldürülməsinə etiraz edir. Polis nümayişçilərə magistrallardan kər durmaq barədə xəbərdarlıq etsə də, Makkesson polisin çağırışlarına məhəl qoymayıb.
Nümayişçilər "Ədalət olmasa, sülh də olmaz - İqrçi polisə "Yox"!" şüarları səsləndiriblər.
Daha sonra polis Makkessona yaxınlaşaraq "Şəhər polisi. Siz nəzarət altındasınız. Mübahisə etməyin" - deyə bildirib. Makkesson isə kütləyə "Mən nəzarət altındayam" - deyə qışqırıb.
Polis həbsi ictimai təhlükəsizliklə əsaslandırsa da, nümayişçilər ABŞ xəbər agentliklərinə Makkessonun hədəf alındığına inandıqlarını bildirib. Nümayişdə Makkessondan başqa onlarla nümayişçi də saxlanıb.
