Həmid Karzay Mahmud Əhmədinejad tərəfindən Tehrana dəvət edilib

Əfqanıstan prezidenti Həmid Karzay Novruz şənliklərində iştirak etmək üçün İranın dövlət başçısı Mahmud Əhmədinejad tərəfindən Tehrana dəvət edilib. Əfqan rəsmilərin bildirdiyinə görə, tərəflər Əfqanıstanın İrandakı məhbuslarının vəziyyətini müzakirə edəcək. İranın Press TV agentliyinin məlumatına görə, İraq prezidenti Cəlal Talabani və digər 18 ölkənin dövlət başçıları Novruz bayramı münasibəti ilə İranda səfərdədir. İran artıq ikinci ildir ki, Novruz şənliklərinə dünya ölkələrinin liderlərini dəvət edir.