Fransa məhkəməsi Çilinin hərbi diktatoru Avqusto Pinoçetin hakimiyyəti dövründə çalışan 13 rəsmi barədə hökm çıxarıb. Onlardan ikisi ömürlük həbs cəzasına məhkum edilib. Bir nəfərə bəraət qazandırılıb. Müttəhimlərin hamısına qiyabi şəkildə hökm çıxarılıb. Ömürlük həbs cəzasına hazırda Çilidə həbsdə olan gizli polis rəisi Manuel Kontreras məhkum edilib. Pinoçetin özü də hakimiyyəti dövründə yol verdiyi cinayətlərə görə ittiham edilmişdi. 2006-ci ildə vəfat etdiyinə görə Pinoçet barədə hökm çıxarılmamışdı.