Yanvarın 6-da Azərbaycan Ali Məhkəməsinin Cinayət Kollegiyasının hakimi İnqilab Nəsirov koronavirusdan vəfat edib.
Ali Məhkəminin mətbuat xidmətindən Amerikanın Səsinə bildiriblər ki, Nəsirov ötən ilin dekabrında koronavirusa (COVID-19) yoluxaraq xəstəxanaya yerləşdirilib və bu gün səhər saatlarında xəstəxanada vəvat edib.
İnqilab Nəsirov 2011-ci ilin yanvarından Ali Məhkəmənin hakimidir.
O, 1963-cü ildə sentyabrın 3-də anadan olub.
Nəsirov əvvəllər Mərkəzi Seçki Komissiyasının katibi, Səbail rayon Məhkəməsinin sədri, Bakı Apellyasiya Məhkəməsinin sədr müavini vəzifələrində çalışıb.
