Azərbaycan idmançıları bu gün, avqustun 31-də Tokio-2020 Yay Paralimpiya Oyunlarında bir qızıl, bir gümüş medal qazanıb.
Belə ki, Azərbaycan üzgüçüsü Roman Saley 100 metr məsafəyə sərbəst üsulla üzmə yarışında bütün rəqiblərini qabaqlayaraq 1-ci olub.
Digər Azərbaycan idmançısı Lamiyə Vəliyeva qadınların 100 metr məsafəyə qaçışında fərqlənib. O, 11,99 saniyə ilə şəxsi rekorduna imza ataraq ikinci yeri tutub.
Bununla da Azərbaycan yığması Tokio-2020-dəki medal sayını 15-ə çatdırıb. Azərbaycan yığması 10 qızıl, 1 gümüş və 4 bürünc medal qazanıb.
Azərbaycan yığması 15 medalla 10-cu yerdə qərarlaşıb.