Azərbaycan prezidenti İlham Əliyev türkdilli ölkələrin prezidentlərinin sammitində iştirak etmək üçün bu gün İstanbula səfər edib. Cənab Əliyev İstanbulda ikitərəfli görüşlərə başlayaraq, Türkiyə prezidenti Abdulla Güllə görüşüb. Görüş zamanı iktərəfli münasibətlərin müxtəlif sahələrinə dair məsələlər, regionda və beynəlxalq aləmdə vəziyyətin müzakirə edildiyi bildirilir. Cənab Gül Türkiyə və Azərbaycan arasında münasibətlərin tək millət şüuru prinsipinə əsaslandığını qeyd edib. Azərbaycan prezidenti iki ölkə arasında münasibətlərin yüksək səviyyəsindən məmnunluq duyduğunu ifadə edib.