Silahlı şəxslər Burkina-Fasonun paytaxtındakı restorana girərək, 17 nəfəri qətlə yetirib, 8 nəfəri yaralayıb.
Rabitə naziri Remo Dancinu Uqadoqudakı "Əziz" restoranına silahlı hücumun bazar günü gecə həyata keçirildiyini bildirib.
Hücumun məsuliyyətini öz üzərinə götürən olmayıb.
Dənizə çıxışı olmayan bu Qərbi Afrika ölkəsi şimalda uzun zamandır islamçı ekstremistlərlə mübarizə aparılan Mali ilə həmsərhəddir.
2016-cı ilin yanvar ayında da paytaxtdakı lüks mehmanxanaya və kafeyə edilən hücum zamanı 30 nəfər qətlıə yetirilmişdi. Həmin hücumun məsuliyyətini Müsəlman Məqribdə Əl-Qaidə qrupu öz üzərinə götürmüşdü.
