Accessibility links

Corc Buş atanın cənazəsi Hyustona aparılıb


Corc Herbert Uolker Buşun ailəsi cümə axşamı Hyustonda keçirilən özəl cənazə mərasimi zamanı 41-ci prezidentə son ehtiramlarını bildirəcək.

Mərhum prezidentin cənazəsi çərşənbə Vaşinqtondan Hyustonda St. Martin Episkopal Kilsəsinə aparılıb. Orada ictimiyyət üzvləri bayrağa bürünmüş tabutu görmək və prezidentə son ehtiramlarını bildirmək üçün kilsəyə daxil olub.

Bundan əvvəl isə çərşənbə hazırda həyatda olan beş Amerika prezidenti Vaşiqntonda Milli Kafedralında Texasda 94 yaşında vəfat edən prezident Buşun rəsmi cənazə mərasimində iştirak edib.

Prezident Donald Trampla yanaşı sabiq prezidentlər Cimmi Karter, Bill Klinton və Barak Obama Corc Herbet Uolker Buşun oğlu, 43-cü prezident Corc Buşun atası haqda çıxışını dinləyib.

Corc Buş atanın istəyinə müvafiq olaraq mərasim zamanı prezident Tramp çıxış etməyib.

Tramp çərşənbə gününü milli matəm günü elan edib, federal idarələrin bağlanmasına, poçt xidmətlərinin dayandırılmasına, fond birjasının da bağlanmasına dair sərəncam vermişdi.

Cümə axşamı keçiriləcək özəl vida mərasimindən sonra prezidentin cəsədi xüsusi qatarla Texas A&M Universitetinə, prezident kitabxanası və muzeyinə aparılacaq. Orada o, bu ilin aprelində vəfat etmiş həyat yoldaşı Barbara Buş və 1953-cü ildə üç yaşında vəfat etmiş qızları Robinin dəfn edildiyi yerdə torpağa tapşırılacaq.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG