Dünya qüdrətləri İranın nüvə proqramı ilə bağlı müzakirələrin qapısının açıq olduğunu deyir. BMT-nin Təhlükəsizlik Şurasının beş daimi üzvü və Almaniya bu gün Beynəlxalq Atom Enerjisi Agentliyində danışıqlara dəvəti bir daha təkrar edib. Rusiya nümayəndəsi Qriqori Berdennikov bildirib ki, P5+1 İrandan msbət cavab gözləyir. İranla son dəfə müzakirələr yanvar ayında nəticəsiz başa çatmışdı. Dünən İranın Xarici İşlər Nazirliyi Beynəlxalq Atom Enerjisi Agentliyinin İranın nüvə proqramını təzyiqlər altında tənqid etdiyini bildirmişdi.