Accessibility links

Xəzər dənizinə çirkab suları axıdılır


Xəzərin sahilindəki bəzi istirahət mərkəzləri məişət çirkab sularını təmizləmədən dənizə axıdır.

Ekologiya və Təbii Sərvətlər Nazirliyinin məlumatına görə, belə faktlar dəniz sahili boyu aparılan reydlər zamanı üzə çıxarılıb.

Reydlərin Daxili İşlər Nazirliyinin Baş İctimai Təhlükəsizlik İdarəsinin əməkdaşları ilə birgə aparıldığı bildirilir.

Bu zaman Sumqayıtın (Bakıdan 36 kilometr şimal) Xəzər sahili zonasında fəaliyyət göstərən istirahət mərkəzlərində formalaşan çirkab suların və məişət tullantılarının qanunvericiliyə uyğun qaydada idarə olunmadığı aşkarlanıb.

"Araşdırma zamanı "Relaks", "Tural-1", "Gəmi Qaya", "Orxan", "Katamaran", "Şərur", "Kaspian Standart KO" MMC-yə məxsus "Caspian Breeze" istirahət mərkəzlərində formalaşan məişət-çirkab sularının təmizlənmədən birbaşa Xəzər dənizinə axıdıldığı və "Dostluq" istirahət mərkəzində əmələ gələn məişət tullantılarının ərazidə qalaqlandığı məlum olub", nazirliyin məlumatında yazılır.

Faktlarla bağlı obyekt sahibləri barəsində protokollar tərtib olunduğu, inzibati cərimə tətbiq edildiyi bildirilir.

Nazirlik həmçinin, "Kaspian Standart KO" MMC barəsində məhkəməyə müraciət olunduğunu qeyd edir.

Nazirliyin açıqlamasında adı keçən müəssisələr hələ hər hansı şərh verməyib.

Dünyaya Baxış

Dünyaya Baxış. Tofiq Yaqublu döyülməsi ilə bağlı prokurorluqda ifadə verib
please wait

No media source currently available

0:00 0:11:46 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG