Müharibə cinayətlərində ittiham olunan bosniyalı serb general Ratko Mladiçin vəkili müttəhimin Haaqa Məhkəməsinə təhvil verilməsi barədə yerli məhkəmə qərarı ilə bağlı appelyasiyaya müraciət edəcəyini bildirib.
Vəkil deyib ki, o, bu addımı bazar ertəsi atacaq. Mladiçin oğlu atasının xəstə olduğunu və səyahətə tab gətirə bilməyəcəyini deyir.
16 il gizləndikdən sonra beynəlxalq axtarışda olan Mladiç Serbiyanın şimalındakı kənddə yaxalanıb. O, 1990-cı illərin əvvəlində Sarayevo şəhərinin üç illik mühasirəsi və Srebrenitsa şəhəri yaxınlığında 8,000 müsəlman kişi və oöğlanın öldürülməsinə göstəriş verdiyinə görə BMT hərbi cinayətlər tribunalı tərəfindən ittiham olunur.