İndoneziya polisi radikal müsəlman ruhani Əbu Bakar Bəşiri yeni militant şəbəkə ilə terrorçu əlaqələri olmasını güman edərək həbs etdiyini bildirib. Milli polis sözcüsü Edvard Aritonanq bildirib ki, Bəşir təlimlərdə, liderlərim seçimi prosesində, terroçu hücumların planlaşdırılmasında və əl-Qaidə üçün pul toplamaqda iştirak edib. Açehdə əl-Qaidə nisbətən yeni qrupdur və Cəmaa İslamiyyənin narazı üzvləri tərəfindən yaradılıb. Bu qrup 2002-ci ildə Balidə 202 nəfərin ölümü ilə nəticələnən partlayışa görə məhsuliyyət daşıyır. Rəsmilər bildirib ki, Bəşir bu gün səhər Qərbi Yavanın Siamis rayonunda həbs olunub. O, sorğu-sual edilmək üçün paytaxt Cakartaya aparılıb. Təhlükəsizlik üzrə analitik Ken Kondoy bildirib ki, rəsmilər Bəşirin yeni formalaşmış qrupla əlaqəsi olduğu barədə bir müddətdir məlumata malik idilər. Bəşir terrorçu hücumlarda iştirak etdiyinə görə artıq iki dəfə həbsə alınıb.