İran prezidenti ABŞ və İsraili tənqid edir

İran prezidenti Mahmud Əhmədinejad ABŞ və onun müttəfiqlərinin regionda onun ifadəsilə, “müstəmləkəçi” planlarını tənqid edib. Prezident Əhmədinejad bu açıqlamaları bu gün Sistan-Bəlucistan vilayətinə səfər zamanı çıxışında verib. İran prezidenti deyib ki, o, ABŞ, İsrail və başqa müttəfiqlərin nüfuzu olmayan yeni bir Yaxın Şərqin yarandığını düşünür. Çıxışı zamanı cənab Əhmədinejad İsraili kəskin tənqid edib. Onun sözlərinə görə, Tehran heç bir vaxt Fələstin torpağında İsrail hökumətini tanımayacaq.