Mahmud Əhmədinejad danışıqların davam etdirilməsini mümkün sayır

İran prezidenti Mahmud Əhmədinejad deyib ki, o, Tehranın nüvə proqramı ətrafında dünyanın qüdrətli dövlətləri ilə gələcəkdə də danışıqların aparılacağına inanır. Cənab Əhmədinejad bu açıqlamanı Türkiyədə İranın nüvə proqramına dair iki gün sürən danışıqlardan sonra verib. Müzakirələr nəticə əldə edilmədən başa çatıb. Avropa İttifaqının xarici siyasət şöbəsinin rəhbəri Ketrin Aşton İran, BMT Təhlükəsizlik Şurasının beş daimi üzvü və Almaniya arasında danışıqların nəticəsiz başa çatmasına görə təəssüf hissi keçirdiyini bildirib.