İran bildirir ki, Səkinə Aştiyaninin oğlu ilə müsahibə keçirən həbs edilmiş iki əcnəbi şəxsin xaricdə hökumət əleyhinə çalışan qruplarla əlaqəsi var. Xarici İşlər nazirliyinin sözçüsü Ramin Mehmənpərəst deyib ki, iki nəfər İrana jurnalist vizası deyil, turist vizası ilə daxil olub. Bu gün brifinqdə danışan Mehmanpərəst bildirib ki, bəzi mənbələr saxlanılan şəxslərin alman olduğuna işarə edir. Almaniya kansleri Angela Merkel deyib ki, xarici işlər nazirliyi saxlanılan şəxslərlə bağlı məlumat toplamağa çalışır. İran iki xaricinin Səkinə Məhəmməd Aştiyani ilə bağlı suallar verən zaman saxlanıldıqlarını bildirib.