25 yaşlı Venesuela gözəli Qabriela İsler Moskvada keçirilən Kainat gözəli müsabiqəsinin qalibi olub. 86 iştirakçının qatıldığı müsabiqənin finalını dünyada milyonlarla tamaşaçı izləyib.
Qabriela İsler finalda İspaniya, Braziliya, Ekvador və Filippin gözəlləri arasında Kainat gözəli seçilib.
Venesuela prezidenti Nikolas Maduro Qabrieal İsleri Tvitter sosial şəbəkəsində mesaj yazaraq təbrik edib.
Venesuela 61 ildir keçirilən Kainat gözəli müsabiqəsinin ən çox titul qazanan ölkəsidir. Ölkənin təmsilçiləri yeddi dəfə Kainat gözəli titulunu qazanıblar.
