ABŞ-ın sabiq prezidenti Cimmi Karter prezident Donald Trampın 2016-cı il seçkilərində məğlub olduğuna və onun prezidentliyini Rusiyanın müdaxiləsinin təmin etdiyinə inandığını deyib.
Karter heç bir dəlil göstərmədən bu şərhi cümə günü Virciniyanın Lizburq şəhərində keçirilən insan haqlarına dair müzakirələr zamanı deyib.
Amerikanın kəşfiyyat orqanları 2017-ci il hesabatında Rusiya Trampa yardım üçün gərgin iş aparmaqda və prezidentliyə demokrat namizəd Hillari Klintonu nüfuzdan salmaqda günhlandırıb.
Lakin agentliklər Rusiyanın müdaxiləsinin Trampın qələbəsinə təsirini müəyyən edə bilməyib. Seçki günü bülletenlərin dəyişdirildiyinə dair də heç bir sübut yoxdur.
