Pakistanın baş naziri rəsmi səfərlə Vaşinqtondadır

Birləşmiş Ştatların dövlət katibi Con Kerri Vaşinqtonda rəsmi səfərdə olan Pakistanın baş naziri Nəvaz Şəriflə görüşüb.

Cənab Şərif Konqresin bir neçə üzvü və Birləşmiş Ştatlar prezidenti Barak Oabma ilə çərşənbə günü görüşəcək.

ABŞ-da səfərdə olan baş nazirin son illər Vaşinqtonla İslamabad arasında baş qaldıran gərginliklərlə bağlı məsələləri də müzakirə edəcəyi gözlənilir.

Dövlət katibi Kerri deyib ki, ABŞ-la Pakistan arasında müzakirə ediləcək bir çox məsələ var və Pakistanla xoş münasibətlər ABŞ üçün olduqca vacibdir.