Britaniya kraliçası Elizabet İrlandiyaya gəlib. Bu, son 100 ildə Britaniya monarxının ölkəyə ilk səfəridir.
Kraliça Elizabet və onun əri Şahzadə Filip dörd-günlük səfərin başlanğıcında təntənə ilə qarşılanıblar. Səfər hər iki ölkədə bomba hədələri ilə müşayiət olunur.
İrlandiya qüvvələri Dublindən 25 kilometr məsafədə avtobusun baqajına qoyulmuş bomba aşkar ediblər. Sonradan maket olduğu bilinən ikinci cihaz tramvay stansiyasında tapılıb.
Kraliça Elizabetin səfəri İrlandiya 1916-cı ildə müstəqillik elan edəndən bəri Britaniya monarxının ilk səfəridir.