Sülh və Demokratiya İnstitutunun direktoru Leyla Yunus hazırda Azərbaycanda 60 siyasi məhbus olduğunu deyib.
“Siyasi məhbusların sayı arta bilər. 2011-ci ildə artıq siyasi iddialarla 10 nəfər həbs edilib. İslam Partiyasının sədri Mövsüm Səmədov və daha 9 nəfər barəsində həbs qətimkan tədbiri seçilib. Bu şəxslər potensial siyasi məhbuslardır. İslam Partiyasının sədri ilə birgə saxlanan partiya üzvlərinə hakimiyyəti zorla devirməyə cəhd ittihamı irəli sürülüb. Bu ittihamlar siyasidir”, - deyə xanım Yunus bildirib.