Liviya hökuməti New York Times qəzetinin müxbirlərini azad edib

Liviya hökuməti New York Times qəzetinin müxbirlərini altı gün saxlandıqdan sonra azad edib. Ölkənin şərqində hökumət və üsyançı qüvvələr arasında münaqişəni işıqlandıran jurnalistlər paytaxt Tripolidə türk diplomatlarına təhvil verilib. Türkiyə dörd jurnalistin azad edilməsinə yardım göstərdiyini və onların bir neçə saat ərzində Liviyanı tərk edəcəyini bildirib. New York Times jurnalistlərin Liviyanın şərqində Əcdəbiyyə şəhərində saxlandığını bildirib. Onlar Liviya sərhəddini bir çox qərb jurnalisti kimi Misirdən vizasız keçib.