İtaliyanın Eni şirkəti Liviyada Müəmmar Qəzzafiyə qarşı üsyan başlayandan yarım il sonra ölkədə genişmiqyaslı neft hasilatını bərpa etdiyini bildirib. Liviyada ən böyük neft istehsalçısı olan Eni hazırda Benqazidən 300 km. cənubda yerləşən neft yatağından gündə 32 min barrel neft hasil etdiyini bildirib. Üsyan başlamazdan əvvəl gündə 273 min barrel neft hasil edirdir şirkət tez zamanda başqa quyuların da açılacağına ümid bəsləyir. Fransanın Total şirkəti keçən həftə ofşor quyularda məhdud həcmdə istehsalı bərpa etdiyini bildirmişdi.