Cənubi Afrika Respubliaksının sabiq prezidenti Nelson Mandela hələ də xəstəxanadadır. Vəziyyəti ağır, lakin sabit olan 94 yaşlı Mandelaya ölkə prezidenti Ceykob Zuma baş çəkib. Prezident bəyanatında ölkəsi və beynəlxalq ictimaiyyəti Mandelaya göstərdikləri davamlı dəstəyə görə təşəkkür edib.
Ceykob Zuma həmvətənlərini iyul ayının 18-i, Nelson Mandellanın anadan olduğu gün 67 dəqiqəlik iməcilikdə iştirak etməyə çağırıb. 67 dəqiqə Mandelanın ictimai xidmətdə olduğu müddətin rəmzidir.
Eyni zamanda Nelson Mandelanın həyat yoldaşı Qrasa Maşel sabiq prezidentin bəzən narahat olduğunu, nadir hallarda ağrı çəkdiyini, lakin ümumilikdə vəziyyətinin normal olduğunu deyib. O, bu açıqlamanı Nelson Mandela Uşaq Xəstəxanasının vəsait toplanışı tədbirində verib.
Nelson Mandela tənəffüs orqanlarında infeksiya diaqnozu ilə xəstəxanaya iyun ayının 8-də yerləşdirilib.
Cənubi Afrikada ağların hakimiyyətinə və irqi ayrı-seçkiliyə son qoyan Mandela 1993-cü ildə Nobel Sülh mükafatına layiq görülüb. Ömrünün 27 ilini həbsdə keçirən azadlıq mübarizi Cənubi Afrika Respublikasının ilk qaradərili prezidenti olub.
Ceykob Zuma həmvətənlərini iyul ayının 18-i, Nelson Mandellanın anadan olduğu gün 67 dəqiqəlik iməcilikdə iştirak etməyə çağırıb. 67 dəqiqə Mandelanın ictimai xidmətdə olduğu müddətin rəmzidir.
Eyni zamanda Nelson Mandelanın həyat yoldaşı Qrasa Maşel sabiq prezidentin bəzən narahat olduğunu, nadir hallarda ağrı çəkdiyini, lakin ümumilikdə vəziyyətinin normal olduğunu deyib. O, bu açıqlamanı Nelson Mandela Uşaq Xəstəxanasının vəsait toplanışı tədbirində verib.
Nelson Mandela tənəffüs orqanlarında infeksiya diaqnozu ilə xəstəxanaya iyun ayının 8-də yerləşdirilib.
Cənubi Afrikada ağların hakimiyyətinə və irqi ayrı-seçkiliyə son qoyan Mandela 1993-cü ildə Nobel Sülh mükafatına layiq görülüb. Ömrünün 27 ilini həbsdə keçirən azadlıq mübarizi Cənubi Afrika Respublikasının ilk qaradərili prezidenti olub.
