Grammy musiqi mükafatı mərasimindəki qələbəsindən sonra müğənni Adel dörd və ya beş il musiqıdən uzaqlaşacağını bildirib. Görəsən müğənninin belə bir qərar verməsinə səbəb nədir.
Müğənnin nəhayət ki, vaxtını yeni sevgilisi Simon Koneçki ilə bərabər keçirəcək. O, “Vogue” jurnalına verdiyi müsahibədə şəxsi həyatında münasibətlərinin pozulmasına karyerasına daha çox vaxt ayırmasının səbəb olduğunu deyib. Bizim Adelin münasibətlərində uzun müddət gərginlik yaşandığından xəbərimiz var. Şəxsi həyatında yaşadığı stress onu altı Grammy mükafatı alan 21 adlı hit albomunu yaratmağa ilhamlandırdı.
Lakin Adel artıq nikbindir. Belə ki, 23 yaşlı müğənni ötən bir neçə ay ərzində boğaz cərrahiyə əməliyyatından sonra ona sağalmasına yardım edən biznesmenlə birlikdədir. O, növbəti albomunun yaşadığı məhəbbət və sevinci ilə dolu olmasını istəyir. Amma deyəsən bu yeni albom beş ildən sonra çıxacaq. Görəsən pərəstişkarlar bu qədər vaxt gözləyəcəklərmi?