Rusiya rəsmilərinin bildirdiyinə görə bu ilin əvvəlində Moskva metrosunda ölümlə nəticələnən bomba hücumlarının təşkilində şübhələnilən Maqomedali Vaqabov təhlükəsizlik qüvvələri tərəfindən qətlə yetirilib. Rusiyanın Milli Anti-Terror Komitəsi yaraqlıların başçılarından olan Vaqabovun bu gün Şimali Qafqazın Dağıstan Respublikasında, təhlükəsizlik qüvvələri ilə atışma zamanı öldürüldüyünü bildirib. Anti-terror təşkilatı qarşıdurma zamanı Vaqabovun evinin yandığını və onunla birlikdə daha 4 yaraqlının da öldüyünü deyib. Rəsmilər Maqomedali Vaqabovun bölgədəki İslamçı üsyançılar qrupunun ikinci ən yüksək rütbəli komandiri olduğunu deyirlər.
Rəsmilər qarşıdurma zamanı Vaqabovla birlikdə daha 4 yaraqlının öldüyünü deyirlər