Accessibility links

Nemət Pənahlının məhkəməsi başqa vaxta keçirilib


Nemət Pənahlı

Milli Dövlətçilik Partiyasının sədri Nemət Pənahlının yol hərəkəti qaydalarını pozmasına görə cərimələri ödəməməsi iddiası ilə bağlı məhkəmə iclasının sədri Nemət Pənahlının yol hərəkəti qaydalarını pozmasına görə cərimələri ödəməməsi iddiası ilə bağlı məhkəmə iclasının qeyri-müəyyən vaxta təxirə salındığı bildirilir.

Nemət Pənahlının özünün bildirdiyinə görə, bu qərarı fevralın 14-də Nəsimi Rayon Məhkəməsi çıxarıb.

Partiya sədrinin sözlərinə görə, qısa məhkəmə iclası onun iştirakı olmadan keçirilib. Nemət Pənahlı məhkəməyə çağırılıb, amma onun bildirdiyinə əsasən iclas zalına buraxılmayıb.

O, cərimələri ödəməkdən imtina edir. Partiya sədri bildirir ki, cərimələr barədə bildiriş çox sonra gəlib və qayda pozuntularının elektron qeydiyyatı sisteminə vaxtında daxil edilməyib.

"Bu məhkəmə işi siyasi məqsəd daşıyır və mənim vətəndaş fəallığımın məhdudlaşdırılmasına yönəlib", o bildirib.

Nemət Pənahlı həmçinin vurğulayıb ki, cərimələrin dəqiq məbləği ona bəlli deyil.

Partiya sədrinin bu açıqlamasına hələlik, cavabdeh rəsmi qurumlardan və Nəsimi Rayon Məhkəməsindən münasibət almaq mümkün olmayıb.

Xatırlatma

Nemət Pənahlı 1988-ci ildə Bakının Azadlıq (o vaxtkı Lenin) meydanında keçirilən nümayişlərin aparıcısı olub.

O, 2011-ci il yanvarın 8-də tutulub, xuliqanlıq və qəsdən sağlamlığa az ağır zərər vurma ittihamı ilə 6 il azadlıqdan məhrum edilmişdi. İttihamları isə qəbul etmir, bunu siyasi sifariş sayırdı.

Nemət Pənahlı hazırda azadlıqdadır. O, 2016-cı il martın 17-də prezidentim verdiyi əfv fərmanı ilə vaxtından əvvəl azadlığa çıxıb.

XS
SM
MD
LG