Pakistanda onlarla Taliban yaraqlısının hərbi bazaya hücum etməsi toqquşmalar və havadan hücumla nəticələnib. 25 yaraqlının və 4 əsgərin öldüyü bildirilir. Döyüş şənbə günü Əfqanıstanla sərhddə yerləşən Mohmənd bölgəsində baş verib. Rəsmilərin bildirdiyinə görə, yüngül və ağır silahlarla yaraqlanmış 50-yə yaxın Taliban döyüşçüsü ordu postuna hücum edib. Pakistan silahlı qüvvələri buna yaraqlıların bunkerləri və mövqelərinə havadan və quruda hücumla cavab verdiyini bildirir.
