Pakistan hərbi qüvvələri Əfqanıstan sərhəddi yaxınlığında baş vermiş döyüş zamanı 15 yaraqlının öldürüldüyünü bildirir. Döyüş Taliban üsyançılarının keşik məntəqəsinə hücumu etməsilə baölayıb. Pakistan hərbi qüvvələri əks hücuma keçib. BMT bildirir ki, Pakistanın şimal-qərbində hökumət qüvvələri və Taliban üsyançıları arasında döyüşlər nəticəsində on minlərlə insan öz yerlərini tərk edib. BMT-nin qaçqınlar agentliyi məcburi köçkülərin sayının bu ayın sonu 90 000-ə çatacağını təxmin edir.